أفضل منتجات للبشرة والشعر جربتها على نفسي وعلى مراجعيني Dr. Talal's products
كريم اكرتين و ابيدو جل
طريقة الاستخدام : الابيدو جل حلو حق الحبوب، وكريم اكرتين مسام الوجه وحبوب البشرة أحيانا .اهم شي هو تخفيفهم اثنينهم عند الاستخدام بمرطب خفيف مائي لا يسبب حبوب مثل مرطب ميدي هيدرا.
كبسولات فيتامينات الشعر فيمي هير
أنصح تاخذون كبسولتين يوميا من افضل فيتامينات لمنع التساقط فيمي هير مده ٣ شهور، بعدين كبسولة وحده عشان تستمر الفايده منها.اللي ما عندهم تساقط شعر لكن تغذيتهم فقيره في المعدن الأساسية ممكن هم ياخذون كبسولة وحده يوميا او كبسولتين إذا يبون كوقاية من اسباب تساقط الشعر الكربي، الحلو فيها ما تفتح الشهية ولا تزيد الوزن ( لأنها خالية من B12 )
1- خالية من اي الهرمونات ما تزيد شعر الجسم.
2- تصلح للبالغين فقط ! سواء رجال أو نساء.
3- تناسب الحامل والمرضع عادي.
4- نقدر نأخذها بدون تحاليل عادي لأن جميع جرعات المكونات آمنه.
طريقة استخدام فيتامين سي
سيرومات فيتامين سي بشكل عام وسيروم فيتامين سي ميدي بشكل خاص ، عادي تستخدم في الليل او النهار تحطونه مره او مرتين ( كل شخص وقدرته ووقته ). اذا كان فيه نقطتين = يعني هذا تركيز ١٥% ) ينحط على الوجه كامل وممكن الرقبة ، بس مو تحت العين ....... واذا كان عليه نقطة وحده = يعني تركيز ١٠% ) ينحط على الوجه والرقبة + تحت العين حق الهالات والتجاعيد تحت العين ).طبعا حطوا في بالكم إن دايما أغلى سيروم او كريم في العالم هو فيتامين سي، لانه ماده غالية، لكن البراند هذا اسمه ( ميدي ) هو اقلهم سعر رغم انه الوحيد اللي مر علي ما يتأكسد ولا يخرب لذلك معتمده عندي لهذا السبب، وايضا عشان سعره معقول وأقل سعر من البراندات الثانية رغم انه أفضل.
اللي تبي نضاره وجمال وتحفيز كولاجين جربي العلاج المنزلي افضل من العيادات في بعض الأحيان.
طريقة اختيار افضل كريم مرطب حسب نوع البشرة
عشان تختار مرطب صح اقرا هذه المعلومات القيمة1- مرطب ثقيل يصلح في حالة الاكزيما والبشرة اللي حيل جافة = مرهم بيبانثين
2- مرطب متوسط الدهون = كريم وليس مرهم كريم بيبانتين
3- مرطب خفيف يصلح للبشرة الدهنية والمختلطة وما يطلع حبوب = ميدي هيدرا.
أفضل كريم تفتيح للتصبغات بدون نتائج عكسية
طريقة استخدام كريم التفتيح بديل الخلطة الثلاثة:استخدمي كريم تي كي ان على الوجه بالكامل بس نركز عدل على مناطق التصبغات وندلك المنطقة عدل عشان الكريم يدخل داخل الجلد عدل.
يستخدم مرتين يوميا (كل شخص وقدرته) يستخدم في الليل او النهار ( لانه لا يحتوي على مهيجات ) .
1- لا يتعارض مع الشمس.
2- يستخدم على الاقل شهرين ويمكن تحتاجون استعماله فتره اطول على حسب عمق التصبغات.
3- آمن للحامل والمرضع ولجميع الأعمار.
هل نقدر نحطه تحت العين أو منطقة الإبط ؟ هو كريم ما يهيج نهائيا، عشان جذي آمن لهذي المناطق.
4- أما من حيث الاستجابة تختلف من شخص إلى آخر، لكن هو حل آمن ورخيص وأفضل من تجربة جلسات العيادات الغالية.
5- بالنسبة للمناطق الحساسة ، والأكواع والركب ؟ أنا دايما ما انصح بتفتيح هالمناطق. فإذا في وحده مصممه على تجربة كريم على هذي المناطق، جربي كريم TKN لتبييض التصبغات على الأقل ما يسبب نتایج عكسية مثل الخلطة الثلاثية وغيرها.
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق