متوفرة بمراكز الجلدية ياخذونها الناس مجانا وسعرها عموما رخيص. الكثير يحبونها لان تعطيهم تفتيح للتصبغات + توحيد لون بشرة + نضارة . 

البعض راح تطلع له حبوب = شرحت الحل بالفيديوات ايضا. 

اذا بشرتك/بشرتج زينة = ماله داعي تستخدمها. 

اذا مو حاب هذي الخلطة فهي ليست إجبارية والبدائل ( سكنورين أو فيتامين سي ). 

اذا " حاب " تستخدمها انصح ما تاخذ غير دفرين كريم ( مو دفرن جيل ولا اكرتين ) لان هذولي يخربون نتايج الخلطة.

1- تاخذون كمية كثر ( نصف الأظفر ) من كل كريم من ال ٣ كريمات . ( مقشر الدفيرين كريم أقل شي لانه هو سبب التحسس " ربع الأظفر ) ....مع الوقت زيدو كميته قليلا ) ... تخلطون الثلاث كريمات باليد . .

2- تحطون الخلطة إما على جميع اجزاء الوجه بعيد عن الفم وتحت العين ( إذا كانت في آثار منتشرة ، بشرة غير موحدة اللون ) أو على الأثر فقط ( اذا التصبغ صغير ومحدود )

3- تحطونها  بالليل فقط او قبل النوم وتنامون فيها ( الشمس مو زين وقت وضع الخلطة )

4- تحطونها مره كل ٣ ليالي ( مدة اسبوعين ) ، بعدين ليلة كل ليلتين (مدة اسبوعين ) ، بعدين كل ليلة ، ليش ؟؟👇👇👇

5- لأن  الخلطة الثلاثية تحسس بشرتكم ، أو تحمرها أو تقشرها حيل بمناطق تصير حمرة . لذلك يفضل البدأ فيها تدريجيا مثل ماشرحت فوق 👆👆 وايضا لا تنسون روتين البشرة اللي يقلل من حساسية البشرة وهو ( غسول بيودرما الوردي + كريم ترطيب معتدل الثقل ( سيتافيل او كيوفي الازرق ) ولا تنسون كريم الحماية من الشمس .

 لا تخاف هذا طبيعي مع الغالبية ، توقفون الخلطة ٣ ايام وتحطون ثلج ومرطب قوي على المنطقة المحترقة ( مرهم ببانثين مايضر ٣ ايام فقط )  لما تختفي التهيج او الحساسية بعدين تبدون مرة ثانيا بالخلطة الثلاثية ( تدريجيا شوي شوي بالكمية وعدد المرات بالاسبوع ) لما تتعود بشرتكم عليها قصب . 

اذا تعودت راح تدمنون عليها 👌.ولا تنسوون قللوا مقشر الدفيرن حيل لانه هو سبب التحسس والحرق . واختارو دفرين كريم( أحسن من الجيل ولا الاكرتين لان هذولي يحسسون البشرة حيل) .

هذا يحدث إذا كانت البشرة أساس تعبانة وفيها حبوب تحت الجلد مع التقشير تبرز هذي الحبوب ، حطو epidue gel على الحبوب لما يختفون الشرح كامل هنا، أو إستشيرو الطبيب عشان تاخذون مضاد حيوي doxycycline لما تختفي الحبوب . وبعدها نستمر على الخلطة الثلاثية على بشرة صافية .

فيديو الشرح كامل بالصور من هنا ولكن بإختصار:

( بيبانثين المرهم فيه لون وردي ) : حلو للشفايف

( بيبانثين الكريم الازرق ): يصلح للوجه لانه خفيف

(بيبانثين بلس بخط برتقالي) : للجروح.

(بيبانثين لوشن) : للجسم.

إسمه Benzoquin وهذا الكريم يدمر البشرة، ونعطيه فقط للناس اللي فيهم بهاق اكثر من ٧٥٪؜ عشان نوحد لون الجلد للأبيض، غير ذلك استخدامه يعتبر جريمة لانه ينباع في الانستقرام اون لاين للاسف !!!!!