السبب الوحيد اللي نخلط فيها زيوت الشعر مع بعض هو لما يكون الزيت يهيج مثل زيت الروزماري او اكليل الجبل فنخلط معاه زيت الصبار اللي يعتبر مضاد للتهيج طبي على حسب الأبحاث والتجارب.

اما ما هو دارج من بعض التجار والمنتجات اللي يتم فيها خلط اكثر من زيت ماهو إلا " تسويق" عشان ماتشترون إلا خلطتهم " السرية " ! .

التجارة مشروعة لكن أنا طبيب وباحث في المستحضرات الطبية بجميع أنواعها واعرف شنو قاعد اتكلم عنه واقولكم استخدام الزيت بيور وصافي افضل من خلط اكثر من زيت.

إذا تبون تخلطون اخلطو شي واحد ) زيت يهيج مع زيت الصبار فقط ( وحتى هاذي الخلطة في مخاوف من انها تقلل فاعلية إنبات الشعر بواسطة زيت اكليل الجبل!.

افضل زيت للشعر

عشان يستفيد الشعر من الزيت لازم يدخل داخل مسامات الشعر ( صورت لكم شكل الشعرة ومبين فيها المسام) .

زيت الزيتون حجمه الجزيئي molecular weight كبير لذلك مايدخل في مسام الشعر الصغيرة ( بالمناسبة يدخل في مسام البشرة ويصكر المسام ويطلع حبوب )، لذلك هو جيد للأكل لكن هو سيء للشعر لان مايدخل في في مسام الشعر وسيء للبشرة لان يدخل ويصكرها.

زيت دابر املا و زيت الارجان وزيت الروزماري

زيت دابر إملا هو زيت النخيل مو بعيد عنه وايضا ثقيل! اما زيت الاركان المغربي هو افضل زيت لان وزنه الجزئي صغير وزيت اللوز الحلو ثاني افضل زيت بعد زيت الأرجان.

أرجو ان هذي الحقائق العلمية والعملية ماتسبب اي ضرر لأصحاب بعض الزيوت وكعادتي ما أتكلم في السناب ولا في الانستقرام ولا في يوتيوب الا لغاية واحدة وهي إفادتكم.