كريم ابو اسد

كريمات ابو اسد اللي انتم شايفينها اربع كلهم يحتوون على نفس اللوجو لكن الفرق بينهم خط خطين خط احمر خط اسود خط ازرق خط برتقالي، ايش كثر ناس ما يعرفون وش الفرق بين هذي الكريمات بالضبط لان ايش كثر منكم يحتاجها.

استخدام كريم ابو اسد

كريمات بو اسد موجودين في كل بيت بالثلاجة في كل صيدلية، له استخدامات كثيرة، تستخدم للاكزيما عند الاطفال، تستخدم حق الكبار، اللي عندهم حب شباب، اللي عندهم حبوب في الراس، تستخدم حتى حق الجروح العادية، جروح العمليات، بس لازم تعرفون الفرق بين هذي الكريمات ورح أشرح لكم كريم كريم وش الفرق بينه وبين اللي يشبهه. 

اربع كريمات فيوسدين خل اشرح لكم واحد واحد. 

1- خلنا نروح حق اهم واحد اللي هو اللي بخط واحد. لما تشوفون خط واحد يعني مضاد حيوي فقط. يعني ما فيه كورتيزون خالي من الكورتيزون. 

2- لما يكون الخط احمر معناه ان هذا كريم. لما يكون خط برتقالي يعني مرهم. 

شو الفرق بين المرهم والكريم 

المرهم يعني يرطب اكثر فلما يكون في جفاف اكثر مع الجرح او ايا كان او مع حب الشباب ايا كان الاستخدام يعني، يكون المرهم افضل من الأحمر اللي هو عبارة عن كريم، بس في ناس ما يحبوا يحط على الوجه مثلا مرهم لانه يكون دهني فيستخدمون كريم افضل له، هذا الفرق بينهم.

 3- كريم ابو اسد لما يكون خطين يعني معناه في اضافة كورتيزون عليه. لما يكون الخط  احمر مع اسود يعني كورتيزون خفيف، لما يكون خط احمر مع برتقالي يعني الكورتيزون قوي.

 فهذا الفرق بينهم.