خلط كريم سكينورين مع ديفرين

الخطأ هو استخدامهم نفس الاسبوع بنفس التوقيت والخطيئة خلطهم مع بعض لان بصراحة تمر عليه الحالات هذي انه يحطون في جار يخلطوهم مع بعض، يعني يخلطون اثنين من هذي الكريمات ويستخدمونها.

هذي طبعا مشكلة كبيرة. لا نستخدم الكريمات هذي اللي يتعارضون مع بعض. استخدامهم مع بعض يدمر البشرة. فممنوع نستخدم يعني بنفس الاسبوع لان البشرة فيها ميموري قوي. اي ذاكرة قوية للبشرة.

فاذا استخدمتم سكينورين مثلا اليوم ووقفتوه بعد اربع خمس ايام وحطيتم ديفرين. راح يبدا التهيج لانه في ذاكرة في البشرة. فدايما انصحكم خلوا فترة بالاستخدام مثلا اعطيكم مثال.

اذا في حبوب في البشرة، افضل الثلاث كريمات هذي اللي يصفي البشرة من الحبوب هو كريم اكرتين. نستخدم على الحبة طبعا. راحت الحبة الحين مثلا في حبوب منتشرة استخدمتوه هني وهناك وهناك في البشرة لين راحت الحبوب او بلشت تنشف. استخدمت ثلاثة او اربعة ايام. الحين تبوا توقفون الاكرتين تبون تفتحون اثر هذي الحبوب. شتسوون؟

1- توقفون اكرتين.
2- تستخدمون ترطيب مثل بيبانثبن. فترة ترطيب اسبوع.
3- بعدها بعد اسبوع تبلشون سكينورن عشان يعطي اثر للتفتيح. ويمنع الحبوب ترد.

هذا هو التريك يعني لازم دايما يكون في وقت، ثلاث كريمات هذي على الاقل اسبوع والاسبوع هذا ترطبون كثر ما تقدرون.

ترى الكل يعرف يسمّع ويذكر اسماء الكريمات لكن دايما العبرة والفايدة والفن في طريقة استخدام هذي الكريمات، التبس هذي قليل اللي يعرفها اكثر يعرفون اسماء الكلمات هذي فانتبهوا دايما هذي المعلومات جدا دقيقة عشان تحافظون على بشرتكم.
اتمنى لكم بشرة جميلة وشعر صحي.