تفتيح وتبييض وتوحيد لون الجسم في خطوتين فقط Body lighten - دكتور طلال المحيسن
كريم تفتيح الجسم كله في 7 أيام
دكتور شنو افضل كريم تفتيح تصبغات للجسم؟ شنو افضل مستحلب؟ شنو افضل مستحضر يفتح الجسم بالكامل. واشوف شكثر دعايات، تبيض لون الجسم الاسمر، جلسات تبييض الجسم كامل، كريمات توحيد لون الجسم.
كريمات تفتيح الجسم للعرايس
ما كو شيء يوحد لون الجسم، توحيد لون البشرة ممكن الوجه ممكن الرقبة، اما الجسم بالكامل هذا شيء مستحيل.
شغلتين فقط يوحدون لون الجسم
1- الترطيب المستمر للجسم، ومو لازم ابدا تستخدمون منتجات غاليه لترطيب الجسم، بالعكس اختاروا اكبر حجم وارخص سعر، او عن طريق الزيوت الطبيعية وخصوصا زيت اللوز، لان الجسم ما يحتاج منتجات محدده مثل الوجه والبشرة.
2- الشيء الثاني انه تكونون جنتل اثناء الشاور فالسؤال اللي يطرح نفسه، شنو افضل نستخدم؟ الليفة الخشنة ام الناعمة؟
النساء دايما يحبون الليفة الخشنة لانهم يعتقدون في اذهانهم ان الليفة الخشنة يفركون فيها الجسم بقوة عشان تطيح الطبقة السميكة وتبقى الطبقة الناعمة في الجلد فبالتالي تصير افتح، وهذا الشي غير صحيح.
لأن لما تفركون الجسم بقوة اللي راح يصير هو ازالة الطبقة اللي تحمي الجلد فبالتالي تكشفون الطبقة اللي تحت السطحية في الجلد، ورح تلاحظون انه يكون في حكة مستمرة واحيانا اكزيما، والجفاف اللي تسببه الليفة الخشنة، يؤدي الى تصبغات.
الحكة المستمرة، وايضا الفرك القوي، يخلي الجسم يفرز مادة او يرسب مادة اسمها مادة الايميلويد وهذا الايميلويد اذا ترسبت في الجلد تسبب تصبغات في الجلد فمرة ثانية الليفة الناعمة هي الافضل والليفة الخشنة مو صحية.
افضل شي مبيض للجسم كامل سريع المفعول للابد
تبون تفتحون الجسم تفتيح تدريجي وصحي، سووا هالشغلتين باستمرار :
1- ترطيب مستمر لبشرة الجسم بالكامل.
2- الشي الثاني استخدام الليفة الناعمة.
صدقوني راح يفتح الجسم وياكم تدريجي، اما استخدام الكريمات والمستحضرات والمسكات الكبيرة ما راح تؤدي الى اي نتيجة.
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق